കണ്ണൂര്‍: പയ്യന്നൂരിലെ ആര്‍.എസ്.എസ് പ്രവര്‍ത്തകന്റെ കൊലപാതകവുമായി ബന്ധപ്പെട്ട് പൊലിസ് അറസ്റ്റു ചെയ്ത പ്രതികളെ പ്രതികളെ ഇന്ന് കോടതിയില്‍ ഹാജരാക്കും.

ഇന്നലെ മൂന്നു പേരെ പൊലിസ് കസ്റ്റഡിയിലെടുത്തിരുന്നു. നേരത്തെ അറസ്റ്റു ചെയ്തവരടക്കം അഞ്ചു പേരെയാകും കോടതിയില്‍ ഹാജരാക്കുക.മുഖ്യപ്രതി റിനീഷും വിപിനും അടക്കമുള്ളവരയൊണ് ഇന്നലെ അറസ്റ്റു ചെയ്തത്.

കഴിഞ്ഞ വെള്ളിയാഴ്ചയാണ് കക്കംപാറ ചൂരക്കാട്ട് ബിജു(32) കൊല്ലപ്പെട്ടത്. സി.പി.എം പ്രവര്‍ത്തകനായ സി.വി ധനരാജ് വധക്കേസിലെ 12ാം പ്രതിയായിരുന്നു ബിജു. സുഹൃത്ത് രാജേഷിന്റെ കൂടെ ബൈക്കില്‍ യാത്ര ചെയ്യുകയായിരുന്ന ബിജുവിനെ ഇന്നോവ കാറില്‍ പിന്‍തുടര്‍ന്നെത്തിയ അക്രമികള്‍ ഇടിച്ചിടുകയായിരുന്നു.

തുടര്‍ന്ന് റോഡില്‍ വീണ ബിജുവിനെ സംഘം വെട്ടിക്കൊലപ്പെടുത്തുകയായിരുന്നു. ധനരാജ് വധക്കേസില്‍ പ്രതിയായിരുന്ന സുഹൃത്ത് രാജേഷ് ഓടി രക്ഷപ്പെടുകയായിരുന്നു. മറ്റു പ്രതികള്‍ക്കായുള്ള തിരച്ചില്‍ തുടരുകയാണ്. തളിപ്പറമ്പ് സി.ഐ പി.കെ സുധാകരനാണ് അന്വേഷണ ചുമതല.