ചെന്നൈ: മുന്‍ കേന്ദ്രമന്ത്രി പി ചിദംബരത്തിന്റെ വീട്ടില്‍ സി.ബി.ഐ റെയ്ഡ്. ചെന്നൈയിലെ നുങ്കംപാക്കത്തുള്ള അദ്ദേഹത്തിന്റെ വസതിയിലാണ് സി.ബി.ഐ സംഘം റെയ്ഡ് നടത്തുന്നത്. അദ്ദേഹത്തിന്റെ മകന്‍ കാര്‍ത്തി ചിദംബരത്തിന്റെ വീട്ടിലും ഓഫിസിലും റെയ്ഡ് നടത്തുന്നുണ്ട്.

അദ്ദേഹത്തിന്റെ ജന്മ സ്ഥലമായ കരൈകുടിയടക്കം 14 കേന്ദ്രങ്ങളില്‍ റെയ്ഡ് നടക്കുന്നുണ്ട്. ഇന്ന് രാവിലെയാണ് സി.ബി.ഐ സംഘം പരിശോധനക്കായെത്തിയത്. എയര്‍സെല്‍ മാക്‌സിസ് കേസുമായി ബന്ധപ്പെട്ടാണ് റെയ്ഡ് എന്നാണ് ദേശീയ മാധ്യമങ്ങള്‍ റിപ്പോര്‍ട്ട് ചെയ്തത്.

മകന്‍ കാര്‍ത്തിയും എയര്‍സെല്‍ മാക്‌സിസ് കേസ് പണമിടപാടുമായി ബന്ധപ്പെട്ട് അന്വേഷണം നേരിടുന്നുണ്ട്.