കൈപ്പമംഗലം: ജില്ലയില്‍ സമസ്തയെയും പോഷക ഘടകങ്ങളെയും ശക്തിപ്പെടുത്തുന്നതില്‍ നിര്‍ണായകമായ പങ്കുവഹിച്ച പണ്ഡിതനാണ് എസ്.എം.കെ തങ്ങള്‍.
നിലവില്‍ സമസ്ത ജില്ലാ പ്രസിഡന്റായ അദ്ദേഹത്തിന്റെ വിയോഗം നികത്താനാകാത്ത നഷ്ടമാണ്. ആശുപത്രിയില്‍ നിന്ന് വീട്ടിലും തുടര്‍ന്ന് ചാമക്കാല നഹജു റഷാദ് കോളജിലും പൊതുദര്‍ശനത്തിന് വച്ച മയ്യിത്ത് അവസാനമായി കാണാന്‍ സമൂഹത്തിന്റെ വിവിധ മേഖലയില്‍ നിന്നും നൂറുകണക്കിന് പേരാണ് എത്തിയത്.
വിവിധ ഘട്ടങ്ങളായി നടന്ന മയ്യിത്ത് നിസ്‌കാരത്തിന് സമസ്ത സെക്രട്ടറി എം.ടി അബ്ദുല്ല മുസ്‌ലിയാര്‍, എം.എം മുഹ്‌യിദ്ദീന്‍ മുസ്‌ലിയാര്‍, സൈഫുദ്ദീന്‍ തങ്ങള്‍ ഫൈസി, അലി അക്ബര്‍ ഫൈസി, ഹുസൈന്‍ ദാരിമി, പി.ടി കുഞ്ഞുമുഹമ്മദ് മുസ്‌ലിയാര്‍, അന്‍വര്‍ മുഹ്‌യിദ്ദീന്‍ ഹുദവി എന്നിവര്‍ നേതൃത്വം നല്‍കി.
സമസ്ത ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍, മുശാവറ അംഗങ്ങളായ ചെറുവാളൂര്‍ ഹൈദ്രോസ് മുസ്‌ലിയാര്‍, ഡോ. ബഹാഉദ്ദീന്‍ നദ്‌വി, സമസ്ത മാനേജര്‍ കെ. മോയിന്‍കുട്ടി മാസ്റ്റര്‍, ഇ.ടി ടൈസണ്‍ എം.എല്‍.എ, ഓണംപിള്ളി മുഹമ്മദ് ഫൈസി, ബഷീര്‍ ഫൈസി ദേശമംഗലം, ഹുസൈന്‍ ദാരിമി, ശറഫുദ്ദീന്‍ മൗലവി വെന്മേനാട്, അബ്ദുല്‍ കരീം ഫൈസി പൈങ്കണിയൂര്‍, കെ.എസ് ഹംസ, സി.എച്ച് റഷീദ്, പി.എം സാദിഖലി, സി.എ റഷീദ്, പി.ടി കുഞ്ഞുമുഹമ്മദ് മുസ്‌ലിയാര്‍, പി.എം.എ ജബ്ബാര്‍, അഡ്വ. ഹാഫിള് അബൂബക്കര്‍, സയ്യിദ് നജീബ് തങ്ങള്‍, ഹംസ ഹാജി മുന്നിയൂര്‍, ഹംസ റംലി, നാസര്‍ ഫൈസി തിരുവത്ര, മുഹമ്മദ് കുട്ടി ബാഖവി അരിയന്നൂര്‍, ത്രീസ്റ്റാര്‍ കുഞ്ഞുമുഹമ്മദ് ഹാജി, ഉസ്മാന്‍ കല്ലാട്ടയില്‍, ടി.എസ് മമ്മി, ശഹീര്‍ ദേശമംഗലം, വി.എം ഇല്യാസ് ഫൈസി, ഇ. പി കമറുദ്ദീന്‍, ഹൈദര്‍ ഹാജി, അസ്ഗറലി തങ്ങള്‍, പി.കെ അബ്ദുല്‍ റഹ്മാന്‍ മുസ്‌ലിയാര്‍, ഹംസ ഹാജി അകലാട് തുടങ്ങിയവര്‍ ജനാസ സന്ദര്‍ശിച്ചു.