ജിദ്ദ: ആസന്നമായ പഞ്ചായത്ത് - മുനിസിപ്പൽ തെരെഞ്ഞെടുപ്പിൽ പൊന്മള പഞ്ചായത്തിലെ യു ഡി എഫ് സ്ഥാനാർത്ഥികളുടെ വിജയത്തിന് വേണ്ടി പ്രവർത്തിക്കാൻ പൊന്മള പഞ്ചായത്ത് കെഎംസിസി പ്രവത്തക സമിതി യോഗം തീരുമാനിച്ചു. ഇതിനായി സോഷ്യൽ മീഡിയ വഴി പ്രചാരണം നടത്തും. കൂടുതൽ വികസന പദ്ധതികൾ നടപ്പിലാക്കാൻ പൊന്മള പഞ്ചായത്തിലെ എല്ലാ വാർഡിലെയും യു ഡി എഫ് സ്ഥാനാർത്ഥികളെ വിജയിപ്പിക്കണമെന്ന് യോഗം ആഹ്വാനം ചെയ്തു.

    നവംബർ 13- നു പൊന്മള പഞ്ചായത്തിലെ മുഴുവൻ കെഎംസിസി പ്രവർത്തകരെയും പങ്കെടുപ്പിച്ചു ജനറൽ ബോഡി നടത്തും. ഷറഫിയ്യയിൽ വെച്ച് നടന്ന യോഗം കോട്ടക്കൽ മണ്ഡലം കെഎംസിസി ജനറൽ സെക്രട്ടറി നാണി ഇസ്ഹാഖ് ഉദ്ഘാടനം ചെയ്തു. പൊന്മള പഞ്ചായത്ത് കെഎംസിസി പ്രസിഡന്റ് ടി. ടി ഷാജഹാൻ അധ്യക്ഷത വഹിച്ചു. അൻവർ പൂവ്വല്ലൂർ, ഹനീഫ് വടക്കൻ, ഹബീബ് ആറു വീട്ടിൽ, റിയാസ് അവുലാൻ, ഇബ്രാഹീം കാട്ടിക്കുളങ്ങര, ലബീബ് വില്ലൻ എന്നിവർ സംസാരിച്ചു. ഓർഗനൈസിംഗ് സെക്രട്ടറി കെ.പി സമദലി വട്ടപ്പറമ്പ് സ്വാഗതവും വൈസ് പ്രസിഡന്റ് മുഹമ്മദ് റാസിൽ ഒളകര നന്ദിയും പറഞ്ഞു.