ജിദ്ദ: സഊദിയില്‍ പെട്രോള്‍ ബങ്കുകളില്‍ സുരക്ഷാ വ്യവസ്ഥകള്‍ പാലിക്കാത്ത വാഹന ഡ്രൈവര്‍മാര്‍ക്ക് പിഴ ചുമത്തുമെന്ന് സിവില്‍ ഡിഫന്‍സ് മേധാവി മേജര്‍ സാമി അല്‍ഹുജൈലി. ബങ്കുകളില്‍ വെച്ച് മൊബൈല്‍ ഫോണ്‍ ഉപയോഗിക്കുക, വാഹനം ഓഫ് ചെയ്യാതിരിക്കുക, പുകവലിക്കുക, സിഗരറ്റ് കുറ്റി വലിച്ചെറിയുക എന്നീ നിയമ ലംഘനങ്ങള്‍ നടത്തുന്ന ഡ്രൈവര്‍മാര്‍ക്കാണ് പിഴ ചുമത്തുക.

സുരക്ഷാ വ്യവസ്ഥകളും നിര്‍ദേശങ്ങളും പാലിക്കുന്നത് എല്ലാവരുടെയും സുരക്ഷക്ക് സഹായകമാകും. ഡ്രൈവര്‍മാര്‍ക്ക് എളുപ്പത്തില്‍ കാണാന്‍ പറ്റുന്ന നിലക്ക് സചിത്ര സഹിതം സുരക്ഷാ നിര്‍ദേശങ്ങള്‍ ബങ്കുകളില്‍ പരസ്യപ്പെടുത്തിയിരിക്കണമെന്ന് വ്യവസ്ഥയുണ്ട്.