റിയാദ്: രാജ്യത്തെ ഗാർഹിക തൊഴിലാളികൾക്ക് ആരോഗ്യ ഇൻഷ്യൂറൻസ് പരിരക്ഷ നിർബന്ധമാക്കുന്നു. കൗൺസിൽ ഓഫ് കോ-ഓപ്പറേറ്റീവ് ഹെൽത്ത് ഇൻഷുറൻസ് ആണ് ഇക്കാര്യം വ്യക്തമാക്കിയത്. നിലവിൽ രാജ്യത്ത് മുപ്പതു രാജ്യങ്ങളിൽനിന്നുള്ള ഇരുപതു ലക്ഷത്തിലേറെ ഗാർഹിക തൊഴിലാളികളാണുള്ളതെന്നാണ് കണക്കുകൾ.

 

ഇതിൽ 64 ശതമാനവും വനിതകളാണ്. 2018\2020 പദ്ധതിയുടെ രണ്ടാം ഘട്ടത്തിലായിരിക്കും ഗാർഹിക തൊഴിലാളികൾക്ക് ആരോഗ്യ ഇൻഷൂറൻസ്  നിർബന്ധമാക്കി പൂർത്തീകരിക്കുക. നിലവിൽ രാജ്യത്തെ സ്വകാര്യ മേഖലയിലെ മുഴുവൻ തൊഴിലാളികൾക്കും ആരോഗ്യ ഇൻഷൂറൻസ് പരിരക്ഷ ഏർപ്പെടുത്തിയിട്ടുണ്ട്. അതോടൊപ്പം, ഇവരുടെ ആശിത്രർക്കും ഇത് നിർബന്ധമാണ്. കൂടാതെ, തൊഴിലാളികളുടെ ആശ്രിതർ സന്ദർശന വിസകളിൽ എത്തുമ്പോഴും ഇൻഷുറൻസ് പരിരക്ഷ നൽകുന്നുണ്ട്. 

---

---