ആറ്റിങ്ങല്‍ : ആലംകോട് ഗവ: വി.എച്ച്.എസ്.സിയില്‍ പൂര്‍വ വിദ്യാര്‍ഥികളും നാട്ടുകാരും, പി.ടി.എ ഭാരവാഹികളും സ്‌കൂള്‍ അങ്കണത്തില്‍ ഒത്തുകൂടി സ്‌കൂളിന്റെ സമഗ്ര വികസനത്തിനായി ഒത്തുചേര്‍ന്നു പ്രവര്‍ത്തിക്കാന്‍ തീരുമാനിച്ചു. സ്‌കൂളിന്റെ അന്‍പതാം വാര്‍ഷികം വിപുലമായി ആഘോഷിക്കാനും തീരുമാനിച്ചു. യോഗത്തില്‍ അഡ്വ.ബി.സത്യന്‍ എം.എല്‍.എ അധ്യക്ഷനായി. ജില്ലാ പഞ്ചായത്തംഗം സിമിത, ആര്‍.സുഭാഷ്, വാര്‍ഡ് അംഗം ജുനൈന നസീര്‍, ആലംകോട് ഹസന്‍, എച്ച്.നാസിം, മേവര്‍ക്കല്‍ നാസ്സര്‍, വി.എച്ച്.എസ്.സി.പ്രിന്‍സിപ്പാള്‍ മദീന, ഹെഡ്മിസ്ട്രസ് കെ.സലീന, ഹൈസ്‌കൂള്‍ പ്രിന്‍സിപ്പാള്‍ ഷക്കീല, എസ്.മുഹമ്മദ് ബാജു, സന്തോഷ് ഇടഞ്ഞിയാര്‍ എന്നിവര്‍ സംസാരിച്ചു.
സ്‌കൂള്‍ വികസന സമിതിയുടെ തെരഞ്ഞെടുപ്പും യോഗത്തില്‍ നടന്നു. ഭാരവാഹികള്‍ വാര്‍ഡ് അംഗം ജുനൈന നസീര്‍ (ചെയര്‍പേഴ്‌സണ്‍), സജ്ജാദ് (വൈസ് ചെയര്‍മാന്‍) ,ആലംകോട് ഹസ്സന്‍ (കണ്‍വീനര്‍), മേവര്‍ക്കല്‍ നാസര്‍, എച്ച്.നാസിം (ജോ. കണ്‍വീനര്‍മാര്‍), അജി, നിജാസ്, അന്‍വര്‍, നസീര്‍, ഗീതം, രതീഷ് (അംഗങ്ങള്‍).