ടോണ്ടന്‍: ലോകക്കപ്പ് ക്രിക്കറ്റില്‍ ഇന്ന് നടന്ന മത്സരത്തില്‍ ഓസ്‌ട്രേലിയക്ക് പാക്കിസ്താനെതിരേ 41 റണ്‍സ് ജയം. ഓസ്‌ട്രേലിയ ഉയര്‍ത്തിയ 307 റണ്‍സ് വിജയലക്ഷ്യം പിന്തുടര്‍ന്ന പാക്കിസ്ഥാന്‍ 266 റണ്‍സിന് പുറത്തായി. ഓസ്‌ട്രേലിയന്‍ ബാറ്റിങ് നിരയില്‍ തിളങ്ങിയ ഡേവിഡ് വാര്‍ണര്‍ ഏകദിന ക്രിക്കറ്റില്‍ തന്റെ 15ാം സെഞ്ച്വറി കുറിച്ചു. 107 പന്തില്‍ നിന്നും 111 റണ്ണാണ് വാര്‍ണറുടെ സംഭാവന. 84 പന്തില്‍ നിന്നും 82 റണ്‍ നേടിയ ക്യാപ്റ്റന്‍ ആരോണ്‍ ഫിഞ്ചും വാര്‍ണര്‍ക്ക് മികച്ച പിന്തുണ നല്‍കി. പാക്ക് ബൗളിങ് നിരയില്‍ അഞ്ച് വിക്കറ്റ് വീഴ്ത്തി മുഹമ്മദ് ആമിറും ശ്രദ്ധേയമായ പ്രകടനം കാഴ്ചവച്ചു.