ടൂറിന്‍: ഡബിളടിച്ച് ക്രിസ്റ്റ്യാനോ റൊണാള്‍ഡോ ഇറ്റാലിയന്‍ സീരി എയിലെ ഗോള്‍വേട്ടക്ക് തുടക്കമിട്ട മത്സരത്തില്‍ യുവന്റസിന് വിജയം. കഴിഞ്ഞ മൂന്ന് മത്സരങ്ങളില്‍ ഗോള്‍ നേടാന്‍ കഴിയാതെ പോയ റൊണാള്‍ഡോ ഇന്നലെ സാസോളോക്കെതിരേ നടന്ന മത്സരത്തില്‍ രണ്ട് ഗോളുകള്‍ നേടിയാണ് വിമര്‍ശകരുടെ വായയടപ്പിച്ചത്. 50, 65 മിനുട്ടുകളിലായിരുന്നു റൊണാള്‍ഡോയുടെ ഗോളുകള്‍. 50ാം മിനുട്ടില്‍ ലഭിച്ച കോര്‍ണര്‍ ക്ലിയര്‍ ചെയ്യുന്നതില്‍ സാസോളോ പ്രതിരോധത്തിന് വന്ന പിഴവ് മുതലെടുത്ത ക്രിസ്റ്റ്യാനോ അനയാസം പന്ത് വലയിലാക്കുകയായിരുന്നു. 65ാം മിനുട്ടില്‍ എംറെ കാന്‍ നല്‍കിയ പന്ത് ബോക്‌സിന്റെ ഇടതു ഭാഗത്ത് നിന്ന് ഒരു മനോഹര ഷോട്ടിലൂടെയാണ് റൊണാള്‍ഡോ വലയിലാക്കിയത്. മത്സരത്തില്‍ യുവന്റസ് 2-1ന് വിജയിച്ചു. 

ഇറ്റാലിയന്‍ ലീഗിലെ മറ്റു മത്സരങ്ങളില്‍ നാപോളി 1-0ന് ഫിയൊറെന്റീനയെയും പാര്‍മ 1-0ന് ഇന്റര്‍മിലാനെയും സംഡോറിയ 5-0ന് ഫ്രോസിനോനിനെയും തോല്‍പ്പിച്ചു. കരുത്തരായ റോമയെ ചീവോ 2-2ന് സമനിലയില്‍ തളച്ചു. നാല് മത്സരങ്ങളില്‍ നാലും ജയിച്ച് ഗ്രൂപ്പില്‍ ഒന്നാമതാണ് യുവന്റസ്. നാലില്‍ മൂന്ന് മത്സരങ്ങള്‍ ജയിച്ച നാപോളിയാണ് രണ്ടാമത്.
റയലിനും