വള്ളുവമ്പ്രം : പൂക്കോട്ടൂര്‍ ഗവ.ഹയര്‍ സെക്കണ്ടറി സ്‌കൂളിലെ എന്‍.എസ്.എസ് യൂണിറ്റിന്റെ നേതൃത്വത്തില്‍ ഓസോണ്‍ ദിനാചരണം നടത്തി. ഓസോണ്‍ സംരക്ഷണ സന്ദേശങ്ങള്‍ പ്രദര്‍ശിപ്പിച്ച പ്രതീകാത്മക ഓസോണ്‍ കുട ഉയത്തിയാണ് ദിനാചരണത്തിന് തുടക്കം കുറിച്ചത്. സ്‌കൂള്‍ പ്രിന്‍സിപ്പാള്‍ എം.സി അബ്ദുറസാഖ് മാസ്റ്റര്‍ ഉദ്ഘാടനം നിര്‍വഹിച്ചു. ഓസോണ്‍ സംരക്ഷണത്തെ കുറിച്ച് ഭൂമിശാസ്ത്രം അധ്യാപകന്‍ എം. മണികണ്ഠന്‍ മാസ്റ്റര്‍ ക്ലാസെടുത്തു. എന്‍.എസ്.എസ് പ്രോഗ്രാം കോഡിനേറ്റര്‍ പി. മുഹമ്മദ് റാഫി അധ്യാപകരായ മുസ്തഫ മൈലപ്പുറം, കെ. ഷമീര്‍, എം. മുസ്തഫ, പി.ഉബൈസ് , പി.അംന ,സനദ് കൃഷ്ണന്‍ എന്നിവര്‍ സംസാരിച്ചു.