ജമ്മു: ജമ്മുകശ്മീരിലെ കുപ്‌വാര ജില്ലയില്‍ നിയന്ത്രണ രേഖയ്ക്ക് സമീപമുണ്ടായ ഏറ്റുമുട്ടലില്‍ നാലു തീവ്രവാദികള്‍ കൊല്ലപ്പെട്ടു. ഒരു തീവ്രവാദിയെ പിടികൂടുകയും ചെയ്തു. നൗഗം മേഖലയില്‍ നടന്ന ഏറ്റുമുട്ടലില്‍ പങ്കെടുത്ത തീവ്രവാദികളെല്ലാം വിദേശ പൗരന്മാരാണെന്നും ഒരു സൈനിക ഓഫിസര്‍ അറിയിച്ചു. ആക്രമണത്തില്‍ പാകിസ്താന്റെ പങ്ക് പരിശോധിക്കുകയും ഇതിനെ കുറിച്ച് കൂടുതല്‍ തെളിവുകള്‍ പിടികൂടിയ തീവ്രവാദിയില്‍ നിന്ന് അറിയാന്‍ സാധിക്കുമെന്നും പ്രതീക്ഷിക്കുന്നതായി സൈന്യം അറിയിച്ചു.

നൗഗം മേഖലയില്‍ ആക്രമണം തുടരുകയാണെന്നും തീവ്രവാദിയെ ജീവനോടെ പിടികൂടിയതില്‍ നിന്നും ആക്രമണത്തില്‍ പാകിസ്താനുള്ള പങ്ക് തെളിയിക്കാന്‍ കഴിയുമെന്നും പ്രതീക്ഷിക്കുന്നതായും ആഭ്യന്തര സഹമന്ത്രി കിരണ്‍ റിജ്ജു അറിയിച്ചു.