കോതമംഗലം: നെല്ലിക്കുഴി കവലയില്‍ കക്കൂസ് മാലിന്യം കയറ്റാനെത്തിയ ലോറി മറിഞ്ഞു. വന്‍ ദുരന്തം ഒഴിവായി.തിങ്കളാഴ്ച്ച രാത്രി 11.30 ഓടെയാണ് നെല്ലിക്കുഴി കവലയില്‍ നിന്നും ചെറുവട്ടൂരിന് തീരിയുന്ന റോഡില്‍ ടാങ്കര്‍ ലോറി മറിഞ്ഞത്.
അമിത വേഗതയില്‍ എത്തിയ ലോറി തിരിക്കുന്നതിനിടെ നിയന്ത്രണം വിട്ട് മറിയുകയായിരുന്നു. തൊട്ട് ചേര്‍ന്ന ബേക്കറിയിലെ ജീവനക്കാര്‍ കട അടക്കുന്ന തിരിക്കിനിടയിലാണ് ഉഗ്രശബ്ദത്തോടെയും റോഡില്‍ തീയോടും കൂടി ടാങ്കര്‍ മറിഞ്ഞത്.
വാഹനം ഉപേക്ഷിച്ച് രക്ഷപ്പെടാന്‍ ശ്രമിച്ച ഡ്രൈവറെയും സഹായികളെയും നാട്ടുകാര്‍ പിടികൂടി പൊലിസില്‍ ഏല്‍പ്പിച്ചു.മാലിന്യം ശേഖരിച്ച് അളാെഴിഞ്ഞ പ്രദേശങ്ങളില്‍ തളളിയ ശേഷം വാഹനം ഓടിച്ചു പോകുന്നതിനിടെയാണ് അപകടം എന്ന് സംശയിക്കുന്നു.ഡ്രൈവര്‍ ഫൈസലിനെതിരെ കേസ് എടുത്തു.