കോഴിക്കോട്്: ഖാദര്‍ കമ്മിഷന്‍ റിപ്പോര്‍ട്ടിനെതിരേയും ഇത് നടപ്പാക്കാനുള്ള സര്‍ക്കാര്‍ നീക്കത്തിലും പ്രതിഷേധിച്ച് കെ.എസ്.യു കോഴിക്കോട് ഡി.ഡി.ഇ ഓഫിസിലേക്ക് നടത്തിയ മാര്‍ച്ചില്‍ സംഘര്‍ഷം. ബാരിക്കേഡ് മറികടന്ന് ഡി.ഡി.ഇ ഓഫിസിലേക്ക് തള്ളിക്കയറാന്‍ ശ്രമിച്ചതിനെ തുടര്‍ന്ന് പൊലിസും പ്രവര്‍ത്തകരും തമ്മില്‍ ഉന്തുംതള്ളുമുണ്ടായി. തുടര്‍ന്നാണ് ജലപീരങ്കി പ്രയോഗിച്ചത്. മാര്‍ച്ച് സംസ്ഥാന പ്രസിഡന്റ് കെ.എം അഭിജിത്ത് ഉദ്ഘാടനം ചെയ്തു.