തളിപ്പറമ്പ്: തളിപ്പറമ്പ് പ്രസ് ഫോറത്തിന്റെയും ആനിമല്‍ ആന്റ് ബേര്‍ഡ്‌സ് വെല്‍ഫെയര്‍ ട്രസ്റ്റിന്റെയും നേതൃത്വത്തില്‍ കണ്ണൂര്‍ കാസര്‍കോട് ജില്ലകളിലെ പ്രാദേശിക പത്രപ്രവര്‍ത്തകരുടെ മികച്ച വാര്‍ത്തയ്ക്ക് അവാര്‍ഡ് നല്‍കുന്നു. 2016 ജനുവരി ഒന്നിനും ഡിസംബര്‍ 31നും ഇടയില്‍ പ്രസിദ്ധീകരിച്ച ജലസംരക്ഷണത്തെകുറിച്ചുള്ള വാര്‍ത്തകള്‍ക്കും ഫീച്ചറുകള്‍ക്കുമാണ് 5001 രൂപയും ഫലകവുമടങ്ങുന്ന അവാര്‍ഡ്. വാര്‍ത്തയുടെ ഒറിജിനല്‍ കോപ്പിയും മൂന്ന് ഫോട്ടോസ്റ്റാറ്റ് കോപ്പിയും സഹിതം 20നകം സെക്രട്ടറി, തളിപ്പറമ്പ് പ്രസ് ഫോറം, ബസ് സ്റ്റാന്‍ഡ് ഷോപ്പിങ് കോംപ്ലക്‌സ്, തളിപ്പറമ്പ് 670141 എന്ന വിലാസത്തില്‍ അയക്കണം.