ട്രന്റ്ബ്രിജ്: ലോകകപ്പ് ക്രിക്കറ്റില്‍ ഇന്ന് നടക്കേണ്ടിയിരുന്ന ഇന്ത്യ- ന്യൂസിലാന്‍ഡ് മല്‍സരം മഴയെത്തുടര്‍ന്ന് ഉപേക്ഷിച്ചു. ഇന്ത്യന്‍ സമയം ഇന്ന് മൂന്നുമണിയോടെയായിരുന്നു മല്‍സരം ആരംഭിക്കേണ്ടിയിരുന്നത്. മഴ മാറാത്തതിനാല്‍ മല്‍സരം വൈകി തുടങ്ങാനുള്ള നീക്കവും ഉപേക്ഷിക്കേണ്ടിവരികയായിരുന്നു. ഇത്തവണത്തെ ലോകകപ്പില്‍ ഒരു പരാജയും ഏറ്റുവാങ്ങാത്ത ടീമുകളാണ് ഇന്ത്യയും ന്യൂസിലാന്‍ഡും. മൂന്ന് മല്‍സരങ്ങള്‍ കളിച്ച് വിജയിച്ച ന്യൂസിലാന്‍ഡ് പോയിന്റ് പട്ടികയില്‍ ഒന്നാമതാണ്. രണ്ട് മല്‍സരത്തില്‍ രണ്ടും ജയിച്ച ഇന്ത്യ നാലാം സ്ഥാനത്താണ് പോയിന്റ് പട്ടികയില്‍.