പൂച്ചാക്കല്‍: കിണറ്റില്‍ വീണ പശുവിനെ അഗ്നിശമനസേന രക്ഷപ്പെടുത്തി. പാണാവള്ളി തെക്കേമണിയമ്പള്ളി സുനില്‍ ജോസിന്റെ വീട്ടില്‍ ഇന്നലെ രാത്രിയായിരുന്നു സംഭവം. ഉപയോഗമില്ലാത്ത കിണറിനു സമീപം പശുവിനെ കെട്ടിയിരിക്കുകയായിരുന്നു. ചാടിയപ്പോള്‍ കിണറ്റില്‍ വീണതായിരിക്കാമെന്നാണ് നിഗമനം.
ചേര്‍ത്തലയില്‍ നിന്നുള്ള അഗ്‌നിശമന സേനയെത്തി കിണറ്റിലിറങ്ങി വടവും ഹോസും ഉപയോഗിച്ച് പശുവിനെ രക്ഷപ്പെടുത്തി. ലീഡിങ് ഫയര്‍മാന്‍ ടി.സാബു നേതൃത്വം നല്‍കി.