.

 

 

തൊടുപുഴ: സാമ്പത്തിക സംവരണം നടപ്പാക്കിയത് പഠനങ്ങളില്ലാതെയാണെന്ന് കെ.ഡി.എഫ് സംസ്ഥാന പ്രസിഡന്റും ദലിത് ആദിവാസി മഹാസഖ്യം രക്ഷാധികാരിയുമായ പി.രാമഭദ്രന്‍ വാര്‍ത്താസമ്മേളനത്തില്‍ പറഞ്ഞു. അഞ്ചോ പത്തോ ഉദ്യോഗങ്ങള്‍ സമുദായത്തിനു ലഭ്യമാക്കാനുള്ള ഒരു സംവിധാനം മാത്രമല്ല സംവരണം. അതു സമഗ്രമായ അധികാരലബ്ധി തന്നെയാണ്. 

രാഷ്രീയാധികാരം നേടാന്‍ കഴിഞ്ഞാല്‍ ഏതു കാര്യവും നടപ്പിലാക്കാന്‍ കഴിയുമെന്ന് തമിഴ്‌നാടും ബീഹാറും ഉത്തര്‍പ്രദേശുമൊക്കെ  ബോധ്യപ്പെടുത്തിയതാണ്. അതേ സാഹചര്യങ്ങള്‍ കേരളത്തിന്റെ സാമൂഹ്യശരീരത്തിലും നിലനില്‍ക്കുന്നു എന്നതു സുപ്രധാനമാണ്. സംശുദ്ധവും സത്യസന്ധവുമായ രാഷ്ട്രീയ വിഷയമായി സംവരണത്തെ ഉയര്‍ത്തിക്കൊണ്ടുവന്നാല്‍ നിലവിലുള്ള കക്ഷിരാഷ്ട്രീയത്തിന്റെ സ്ഥാപിത താത്പര്യങ്ങളില്‍നിന്നും വിമോചിതമാകാന്‍ തയാറുള്ള സംഘടനകളെ ദലിത് ആദിവാസി മഹാസഖ്യവുമായി അണിനിരത്താന്‍ കഴിയുമെന്നും രാമഭദ്രന്‍ പറഞ്ഞു.