മണ്ണഞ്ചേരി: മണ്ണഞ്ചേരി പടിഞ്ഞാറെ മഹല്ല് കോച്ചോത്തില്‍ മസ്ജിദുല്‍ ബദ്‌രിയ്യ ആന്റ് സിറാജുല്‍ ഉലൂം മദ്‌റസാ കമ്മിറ്റിയുടെ ആഭിമുഖ്യത്തില്‍ മാസം തോറും നടത്തിവരാറുള്ള സ്വലാത്ത് മജ്‌ലിസിന്റെ മൂന്നാമത് വാര്‍ഷിക ദുആ സമ്മേളനം നാളെ വൈകുന്നേരം ഏഴ് മണിക്ക് മസ്ജിദ് അങ്കണത്തില്‍ നടക്കും.
മസ്ജിദ് പ്രസിഡന്റ് പി.എ സെലീം അധ്യക്ഷതവഹിക്കുന്ന സമ്മേളനത്തില്‍ ജനറല്‍ സെക്രട്ടറി മുഹമ്മദ് ഷിഹാബ് സ്വാഗതവും, മസ്ജിദ് അസിസ്റ്റന്റ് ഇമാം ഷാഹുല്‍ ഹമീദ്' മുസ്‌ലിയാര്‍ പ്രാരംഭ പ്രാര്‍ഥനയും നടത്തും. മണ്ണഞ്ചേരി പടിഞ്ഞാറെ മഹല്ല് ഖത്വീബും മുദര്‍രിസുമായ ഐ.ബി ഉസ്മാന്‍ ഫൈസി ഉദ്ഘാടനവും, സക്കീര്‍ ഹുസൈന്‍ അല്‍ അസ്ഹരി ആറാട്ടുപുഴ മുഖ്യ പ്രഭാഷണവും മസ്ജിദ് ഇമാം മുഹമ്മദ് നിഷാദ് അന്‍വരി ആമുഖ പ്രഭാഷണവും നടത്തും.
അബ്ദുല്ലാഹ് തങ്ങള്‍ ദാരിമി അല്‍ ഐദറൂസി കൊല്ലം പ്രാര്‍ഥനാ സംഗമത്തിന് നേതൃത്വം നല്‍കും. എ. ഇബ്രാഹിംകുട്ടി മൗലവി, വഞ്ചിയൂര്‍ അബ്ദുസമദ് മുസ്‌ലിയാര്‍, റ്റി.എച്ച്. ജഅഫര്‍ മൗലവി, നിസാമുദ്ദീന്‍ അന്‍വരി, അബ്ദുല്‍ ഹക്കീം ഫൈസി, മുഹമ്മദ് റഫീഖ് ദാരിമി, കുന്നപ്പള്ളി മജീദ്, പി.യു.ഷറഫ്കുട്ടി എ.നവാസ്, സിയാദ് തുടങ്ങിയവര്‍ സംബന്ധിക്കും.