കോഴിക്കോട്: പ്രളയ കേരളത്തിന് കൈത്താങ്ങാകുന്നതിനായി പുരോഗമന കലാ സാഹിത്യ സംഘത്തിന്റെ ആഭിമുഖ്യത്തില്‍ കുറ്റിച്ചിറ ഓപ്പണ്‍ സ്റ്റേജില്‍ 'ഉമ്പായി സ്മൃതിയില്‍ സ്‌നേഹ സംഗീതം' പരിപാടി സംഘടിപ്പിച്ചു.
സലീം ഷാ, ഫൈസല്‍ എളേറ്റില്‍ തുടങ്ങിയവരുടെ നേതൃത്വത്തിലാണ് സ്‌നേഹ സംഗീതം അരങ്ങേറിയത്. മേയര്‍ തോട്ടത്തില്‍ രവീന്ദ്രന്‍ ഉദ്ഘാടനം ചെയ്തു. പ്രളയത്തില്‍ രക്ഷാപ്രവര്‍ത്തനം നടത്തിയ മത്സ്യത്തൊഴിലാളികളെയും ചടങ്ങില്‍ ആദരിച്ചു. എന്‍.പി നൗഷാദ് അധ്യക്ഷനായി. സി.പി മുസാഫിര്‍ അഹമ്മദ്, കൗണ്‍സിലര്‍മാരായ പി. കിഷന്‍ചന്ദ്, ശ്രീകല, മുന്‍ കൗണ്‍സിലര്‍ കെ.പി അബ്ദുല്ലക്കോയ, പി. മമ്മദ്‌കോയ, കെ.എസ് കോയ സംസാരിച്ചു. കെ.ടി യൂസഫ് സ്വാഗതവും പി.എം സാലി നന്ദിയും പറഞ്ഞു. ആസ്വാദകരില്‍നിന്ന് ശേഖരിച്ച തുക സി.പി.എം സൗത്ത് ഏരിയാ സെക്രട്ടറി സി.പി മുസാഫര്‍ അഹമ്മദിന് കൈമാറി.