രാജപുരം: കാട്ടിലെ രഹസ്യ കേന്ദ്രത്തില്‍ ചീട്ടുകളിയിലേര്‍പ്പെട്ട മൂന്നു പേരെ രാജപുരം പൊലിസ് അറസ്റ്റ് ചെയ്തു. 43000 രൂപ ഇവരില്‍ നിന്നു കണ്ടെടുത്തു. പാണത്തൂര്‍ മഞ്ഞടുക്കം കാട്ടില്‍ നിന്നാണു പ്രതികളെ പിടികൂടിയത്. രഹസ്യ വിവരത്തെ തുടര്‍ന്ന്  എസ്.ഐ രഞ്ജിത്ത് രവീന്ദ്രനും സംഘവുമാണ് കാട് വെട്ടിത്തെളിച്ച് രഹസ്യ കേന്ദ്രം വളഞ്ഞത്. പാണത്തൂരിലെ എന്‍. ബാബു(32), വി. വിനു(36) കോളിച്ചാലിലെ എന്‍. ഹംസ(63) എന്നിവരെയാണ് അറസ്റ്റ് ചെയ്തത്. നാലു പേര്‍ ഓടി രക്ഷപ്പെട്ടതായി പൊലിസ് പറഞ്ഞു.