ആയഞ്ചേരി: ഗ്രാമ പഞ്ചായത്തിലെ ജൈവവൈവിധ്യ സമ്പത്തിനെക്കുറിച്ച് പഠനം നടത്തി ജനകീയമായി തയാറാക്കിയ ജൈവവൈവിധ്യ രജിസ്റ്റര്‍ തോടന്നൂര്‍ ബ്ലോക്ക് പ്രസിഡന്റ് തിരുവള്ളൂര്‍ മുരളി ആയഞ്ചേരി പഞ്ചായത്ത് പ്രസിഡന്റ് എം.എം നഷീദ ടീച്ചര്‍ക്ക് നല്‍കി പ്രകാശനം ചെയ്തു.
പഞ്ചായത്തിലെ 17 വാര്‍ഡുകളിലെയും ചരിത്രപരവും ഭൂമിശാസ്ത്രപരവും കാര്‍ഷിക സാംസ്‌കാരികവുമായ സമ്പൂര്‍ണ വിവരങ്ങളടങ്ങുന്നതാണ് ജൈവവൈവിധ്യ രജിസ്റ്റര്‍. വൈസ് പ്രസിഡന്റ് പി.എം ഷിജിത്ത്, സ്റ്റാന്‍ഡിങ് കമ്മിറ്റി ചെയര്‍മാന്‍മാരായ നൊച്ചാട്ട് കുഞ്ഞബ്ദുല്ല, രൂപ കേളോത്ത്, റീന രാജന്‍, ബ്ലോക്ക് മെംബര്‍മാരായ തേറത്ത് കുഞ്ഞികൃഷ്ണന്‍ നമ്പ്യാര്‍, പി.എം വിനോദന്‍, വാര്‍ഡ് മെംബര്‍മാരായ ടി.വി കുഞ്ഞിരാമന്‍ മാസ്റ്റര്‍, ബാബു കുളങ്ങരത്ത്, വി. റസിയ, പഞ്ചായത്ത് സെക്രട്ടറി മോഹന്‍രാജ്, ജൈവവൈവിധ്യ രജിസ്റ്റര്‍ കണ്‍വീനര്‍ ആനാണ്ടി മുഹമ്മദ് യൂനുസ്, ജില്ലാ കോഡിനേറ്റര്‍ നിഷിത സംസാരിച്ചു.