കുറ്റ്യാടി: പുതുക്കിപ്പണിത അടുക്കത്ത് കുളിക്കുന്നപാറ ജുമാമസ്ജിദ് ഉദ്ഘാടനം നാളെ അസ്വര്‍ നിസ്‌കാരത്തിന് നേതൃത്വം നല്‍കി സ്വാദിഖലി ശിഹാബ് തങ്ങള്‍ നിര്‍വഹിക്കും. സമസ്ത മുശാവറ അംഗം ചേലക്കാട് മുഹമ്മദ് മുസ്‌ലിയാര്‍, സി.എസ്.കെ തങ്ങള്‍ പാലേരി, ടി.പി.സി തങ്ങള്‍, ചീക്കിലോട്ട് കുഞ്ഞബ്ദുല്ല മുസ്‌ലിയാര്‍, എസ്.പി.എം തങ്ങള്‍, ടി.വി.സി അബ്ദുസ്സമദ് ഫൈസി, സയ്യിദ് ഷറഫുദ്ദീന്‍ ജിഫ്‌രി, പി. മൊയ്തു ബാഖവി പങ്കെടുക്കും. റഫീഖ് സക്കരിയ്യ ഫൈസി മുഖ്യപ്രഭാഷണം നടത്തും. ചടങ്ങില്‍ ഹാഫിള് ബിലാല്‍ ജമാലിനെ ആദരിക്കും.
ഉദ്ഘാടന പരിപാടിയോടനുബന്ധിച്ച് ഇന്നു രാവിലെ പത്തു മുതല്‍ സ്ത്രീവിരുന്ന് നടക്കും. 18 മുതല്‍ നാലു ദിവസങ്ങളിലായി നടക്കുന്ന മതപ്രഭാഷണ സദസില്‍ ഫൈസല്‍ അശ്അരി ഒഴുകൂര്‍, മുനീര്‍ ഫൈസി തില്ലങ്കേരി, ഹാഫിള് അബ്ദുറഹീം സൈനി, സൈതലവി മദനി വെള്ളമുണ്ടണ്ട സംസാരിക്കും.