ജാംഷഢ്പൂര്‍: ഝാര്‍ഗണ്ഡിനു സമീപം ജാംഷഢാപൂരില്‍ മാവോയിസ്റ്റുകള്‍ നടത്തിയ വെടിവെപ്പില്‍ അഞ്ച് പൊലിസുകാര്‍ കൊല്ലപ്പെട്ടു. ഇന്ന് വൈകീട്ടോടെ സറൈകേല ജില്ലയില്‍ പെട്രോളിങ് നടത്തുകയായിരുന്ന പൊലിസ് സംഘത്തിന് നേരെയാണ് മാവോയിസ്റ്റ് സംഘം വെടിയുതിര്‍ത്തത്. രണ്ട് പേരുള്‍പ്പെട്ട സംഘമാണ് ആക്രമണം നടത്തിയതെന്നാണ് ലഭിക്കുന്ന വിവരം. പൊലിസിന്റെ പക്കലുണ്ടായിരുന്ന തോക്കുകളും സംഘം കവര്‍ന്നിട്ടുണ്ട്. പശ്ചിമബംഗാള്‍ ഝാര്‍ഗണ്ഡ് അതിര്‍ത്തിയിലാണ് സംഭവം. ഝാര്‍ഗണ്ഡ് മുഖ്യമന്ത്രി രഘുബാര്‍ ദാസ് അക്രമത്തെ അപലപിച്ചു. പൊലിസുകാരുടെ ജീവത്യാഗം വെറുതെയാകില്ലെന്ന് അദ്ദേഹം കൂട്ടിച്ചേര്‍ത്തു.