പൂക്കോട്ടുംപാടം: നിലമ്പൂര്‍ ഗവ. കോളജ് സ്‌പെഷല്‍ ഓഫിസറുടെ ഓഫിസ് താല്‍ക്കാലിക ഓഫിസ് അമരമ്പലം വ്യാപാര ഭവനില്‍ പ്രവര്‍ത്തനമാരംഭിച്ചു. പി.വി അന്‍വര്‍ എം.എല്‍.എ ഉദ്ഘാടനം ചെയ്തു.  കോളജ് ജനകീയ കര്‍മസമിതി രക്ഷാധികാരിയും അമരമ്പലം പഞ്ചായത്ത് പ്രസിഡന്റുമായ സി. സുജാത അധ്യക്ഷയായി.
കോളജ് വികസനത്തിനുള്ള ആദ്യ ഫണ്ട് രണ്ടുലക്ഷം രൂപ മലബാര്‍ ജ്വല്ലറി പ്രാപ്രറ്റര്‍ ടി.കെ ജഹാംഗീര്‍ എം.എല്‍.എക്ക് കൈമാറി. എം.എല്‍.എ ഒരു ലക്ഷം രൂപയും പ്രാരംഭ പ്രവര്‍ത്തനങ്ങള്‍ക്ക് വാഗ്ദാനം ചെയ്തു. ഈ വര്‍ഷം തന്നെ ക്ലാസുകള്‍ ഗവ. ഹൈസ്‌കൂളിന് സമീപം നൂറുല്‍ ഇസ്‌ലാം മദ്‌റസയില്‍ ആരംഭിക്കാനുള്ള നടപടികളായി. ചെയര്‍മാന്‍ എന്‍.എ കരീം, ജനറല്‍ കണ്‍വീനര്‍ പി. ശിവാത്മജന്‍, ട്രഷറര്‍ എന്‍. അബ്ദുല്‍ മജീദ്, എം.അബ്ദുല്‍ നാസര്‍, കോളേജ് സ്‌പെഷല്‍ ഓഫിസര്‍ സി.ടി സലാഹുദ്ദീന്‍, ബേബി വിനോദിനി, ഇ. പത്മാക്ഷന്‍, വി .പി അബ്ദുല്‍ കരീം തുടങ്ങിയവര്‍ സംസാരിച്ചു.