കരുളായി: മൂത്തേടത്ത് ഗവ. വനിതാ എന്‍ജിനീയറിങ് കോളജ് ആരംഭിക്കുമെന്ന് പി.വി അന്‍വര്‍ എം.എല്‍.എ പറഞ്ഞു. പൂക്കോട്ടുംപാടത്ത് വരുന്ന ഗവ. കോളജിന്റെ സ്‌പെഷ്യല്‍ ഓഫിസറുടെ താല്‍ക്കാലിക ഓഫിസ് ഉദ്ഘാടന ചടങ്ങില്‍ സംസാരിക്കുകയായിരുന്നു അദ്ദേഹം.
 നിലമ്പൂര്‍ മണ്ഡലത്തില്‍ ഗവ. കോളജ് നിര്‍മിക്കാന്‍ ആദ്യം തീരുമാനിച്ച മാനവേദന്‍ സ്‌കൂള്‍ മാറ്റിയതോടെ മറ്റൊരിടത്ത് കോളജ് നിര്‍മിക്കുന്നതുമായി ബന്ധപ്പെട്ട് നടന്ന ചര്‍ച്ചയില്‍ മണ്ഡലത്തിലെ വിവിധ പഞ്ചായത്ത് അധികൃതര്‍, രാഷ്ട്രീയ പാര്‍ട്ടി പ്രവര്‍ത്തകര്‍, വ്യാപാരി സംഘടന പ്രവര്‍ത്തകര്‍, വിവിധ സംഘടനാ പ്രവര്‍ത്തകര്‍ എന്നിവര്‍ രംഗത്ത് വന്നിരുന്നു. ഇവര്‍ കോളജ് നിര്‍മിക്കാന്‍ സ്ഥലം വാഗ്ദാനം ചെയ്തിരുന്നു. എന്നാല്‍ അനുയോജ്യമായ സ്ഥലം പൂക്കോട്ടുംപാടത്ത് ക@ത്തി തുടര്‍ നടപടികള്‍ പൂര്‍ത്തിയാക്കിയതിന് ശേഷമാണ് മൂത്തേടത്തുക്കാര്‍ കോളജിന് അഞ്ചേക്കര്‍ ഭൂമി വിട്ടുതരാമെന്ന വാഗ്ദാനവുമായി എത്തിയത്. എന്നാല്‍ അവിടെ ഇനി ഈ കോളജ് തുടങ്ങാന്‍ കഴിയാത്തതിനാല്‍ ആ ഭൂമി ലഭ്യമാക്കാനുള്ള നടപടികളുമായി മുന്നോട്ട് പോവുകയും ആ സ്ഥലത്ത് ഒരു വനിതാ എന്‍ജിനീയറിങ് കോളജ് കൊ@ുവരുമെന്നും എം.എല്‍.എ പറഞ്ഞു.