മുംബൈ: ഐ.എസ്.എല്‍ മൂന്നാം പതിപ്പില്‍ പോര്‍ച്ചുഗല്‍ പരിശീലകന്‍ നെലോ വിന്‍ഗദ നോര്‍ത്ത്ഈസ്റ്റ് യുനൈറ്റഡിനെ പരിശീലിപ്പിക്കും. പോര്‍ച്ചുഗല്‍ ഫുട്‌ബോളിലെ പ്രൊഫസര്‍ എന്നു വിളിപ്പേരുള്ള വിന്‍ഗദ 1995ല്‍ പോര്‍ച്ചുഗലിനെ അണ്ടര്‍ 20 ലോകകപ്പില്‍ മൂന്നാം സ്ഥാനത്തെത്തിച്ച പരിശീലകനാണ്.
നേരത്തെ കാര്‍ലോസ് ക്വയറെസിന് കീഴില്‍ സഹ പരിശീലകനായും പ്രവര്‍ത്തിച്ചിട്ടുണ്ട്. 2002-03 സീസണില്‍ ഈജിപ്ത് ക്ലബായ സമാലെക് എസ്.സി  ലീഗില്‍ തോല്‍വിയറിയാതെ ജേതാക്കളായത് വിന്‍ഗദയുടെ പരിശീലന മികവിലാണ്. അന്താരാഷ്ട്ര പരിശീലക രംഗത്ത് മികവു പുലര്‍ത്താന്‍ വിന്‍ഗദയ്ക്ക് സാധിച്ചിട്ടുണ്ട്. ആ മികവ് നോര്‍ത്ത്ഈസ്റ്റിന് ഗുണം ചെയ്യുമെന്ന് ടീം ഉടമ ജോണ്‍ എബ്രഹാം പറഞ്ഞു.