പയ്യോളി: രാജ്യത്തിന്റെ മഹത്തായ സ്വാതന്ത്ര്യവും മതേതര പാരമ്പര്യവും തകര്‍ക്കാനും രാജ്യത്തെ ശിഥിലമാക്കാനുമുള്ള ശ്രമങ്ങളാണ് പ്രധാനമന്ത്രി നരേന്ദ്രമോദി നടത്തുന്നതെന്ന് ഉമ്മന്‍ചാണ്ടി പ്രസ്താവിച്ചു.
തിക്കോടി മണ്ഡലം കോണ്‍ഗ്രസ് കമ്മിറ്റിയുടെ സമ്പൂര്‍ണ സമ്മേളനം പുറക്കാട് കൊപ്പരക്കണ്ടത്തില്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
രാജ്യത്ത് വര്‍ഗീയതയുടെയും വിദ്വേഷത്തിന്റെയും രാഷ്ട്രീയമാണ് മോദി നടത്തുന്നത്.
ഒന്നാം വാര്‍ഷികം ആഘോഷിക്കുന്ന കേരളത്തിലെ ഇടതുപക്ഷ ഭരണത്തില്‍ വിവാദങ്ങളും തര്‍ക്കങ്ങളും മാത്രമാണ് നടക്കുന്നതെന്നും അദ്ദേഹം കുറ്റപ്പെടുത്തി. മണ്ഡലം പ്രസിഡന്റ് രാജീവന്‍ കൊടലൂര്‍ അധ്യക്ഷനായി. ഡി.സി.സി പ്രസിഡന്റ് ടി. സിദ്ദീഖ്, കെ.സി അബു, എന്‍. സുബ്രഹ്മണ്യം, അഡ്വ. കെ.പി അനില്‍കുമാര്‍, യു. രാജീവന്‍, മഠത്തില്‍ നാണു മാസ്റ്റര്‍, സന്തോഷ് തിക്കോടി, കെ.പി രമേശന്‍, ലിനീഷ് തട്ടാരി, വി. മുഹമ്മദ് ജംഷീര്‍, സനീര്‍ വില്ലംകണ്ടി സംസാരിച്ചു.