എളേറ്റില്‍: ഹയര്‍ സെക്കന്‍ഡറി പരീക്ഷയില്‍ എളേറ്റില്‍ എം.ജെ ഹയര്‍ സെക്കന്‍ഡറി സ്‌കൂളിന് 94 ശതമാനം വിജയം.
പരീക്ഷ എഴുതിയ 294 വിദ്യാര്‍ത്ഥികളില്‍ 276 പേര്‍ ഉപരിപഠന യോഗ്യതനേടി. സയന്‍സ് (96),കൊമേഴ്‌സ് (93)ഹ്യുമാനിറ്റീസ് (91) എന്നിങ്ങനെയാണ് വിജയ ശതമാനം. സയന്‍സ് വിഭാഗത്തില്‍ എട്ടും കൊമേഴ്‌സ് വിഭാഗത്തില്‍ നാലും ഹ്യുമാനിറ്റീസില്‍ രണ്ടണ്ടും വിദ്യാര്‍ഥികള്‍ മുഴുവന്‍ വിഷയങ്ങളിലും എ പ്ലസ് നേടി.
പത്തൊന്‍പത് വിദ്യാര്‍ഥികള്‍ക്ക് അഞ്ച് വിഷയങ്ങളില്‍ എ പ്ലസ് നേടാന്‍ കഴിഞ്ഞു. വിജയികളെ സ്റ്റാഫ് കൗണ്‍സില്‍, പി.ടി.എ കമ്മറ്റി, മാനേജ്‌മെന്റ് അനുമോദിച്ചു.