വാഷിങ്ടണ്‍: യു.എസ്-മെക്‌സിക്കോ അതിര്‍ത്തിയില്‍ ഇന്ത്യക്കാരിയെന്ന് സംശയിക്കുന്ന ഏഴ് വയസുകാരിയുടെ മൃതദേഹം കണ്ടെത്തി. ലുക്‌വെല്ലയില്‍ നിന്ന് 27 കി.മീ അകലെ ബുധനാഴ്ച രാവിലെയാണ് മൃതദേഹം കണ്ടെത്തിയതെന്ന് അതിര്‍ത്തി സേന അറിയിച്ചു.
യു.എസിലേക്ക് അനധികൃതമായി കടക്കാന്‍ ശ്രമിച്ചവരുടെ സംഘത്തില്‍പ്പെട്ടതാവും കുട്ടിയെന്നാണ് നിഗമനം. ഇന്ത്യക്കാരിയായ സ്ത്രീയും കുട്ടിയും തങ്ങളുടെ കൂടെയുണ്ടായിരുന്നെന്ന് ടകസ്ന്‍ മേഖലയില്‍ അതിര്‍ത്തി ഉദ്യോഗസ്ഥര്‍ കണ്ടെത്തിയ രണ്ട് സ്ത്രീകള്‍ പറഞ്ഞു.
പെണ്‍കുട്ടിയുടെ മൃതദേഹം കണ്ടെത്തിയതിന് പിന്നാലെ അന്തരാഷ്ട്ര അതിര്‍ത്തിയില്‍ യു.എസിന്റെ നേതൃത്വത്തില്‍ കര,വ്യോമ സേനകളുടെ തിരച്ചില്‍ ശക്തമാക്കി.