മുക്കം: അപൂര്‍വചന്ദ്ര കമ്മിഷന്‍ റിപ്പോര്‍ട്ട് നടപ്പാലാക്കിയില്ലെങ്കില്‍ പെട്രോള്‍ പമ്പുകള്‍ അനിശ്ചിത കാലത്തേക്ക് അടച്ചിടുമെന്ന് ഓള്‍ കേരളാ ഫെഡറേഷന്‍ ഓഫ് പെട്രോളിയം ട്രേഡേഴ്‌സ് സംസ്ഥാന പ്രസിഡന്റ് കെ.പി ശിവാനന്ദന്‍ പറഞ്ഞു. സംസ്ഥാന പ്രസിഡന്റായി തെരഞ്ഞെടുത്ത ശേഷം മുക്കത്ത് നല്‍കിയ സ്വീകരണയോഗത്തില്‍ സംസാരിക്കുകയായിരുന്നു അദ്ദേഹം. യോഗത്തില്‍ പ്രസിഡന്റ് കെ.പി ശിവാനന്ദനും സംസ്ഥാന ജോ. സെക്രട്ടറിയായി തെരഞ്ഞെടുത്ത കെ. ഷംസുദ്ദീനും സ്വീകരണം നല്‍കി. ഇ. അനിഷ അദ്ധ്യക്ഷനായി. ഹമീം പറയങ്ങാട്ട്, അശോകന്‍, കെ.പി രാജന്‍, ഒ. ഷാജി, അരുണ്‍ അശോക്, സി.എന്‍ അബ്രഹാം, ടി. പ്രിയേഷ്, എന്‍.കെ അബ്ദുറഹിമാന്‍ സംസാരിച്ചു.