വളാഞ്ചേരി: കോടതി പിടികിട്ടാപ്പുള്ളിയായി പ്രഖ്യാപിച്ച പ്രതി പൊലിസ് പിടിയിലായി. വാണിയമ്പലം തച്ചന്‍കോട് സ്വദേശി കരുവാടന്‍ വീട്ടില്‍ അഷ്‌റഫുദ്ദീനാ (44) ണ് വളാഞ്ചേരി പൊലിസിന്റെ പിടിയിലായത്.
വീടുകള്‍ കുത്തിത്തുറന്നു മോഷണം നടത്തുന്നതാണ് ഇയാളുടെ രീതി. നിരവധി വീടുകളില്‍നിന്നായി പണവും സ്വര്‍ണാഭരണങ്ങളും കവര്‍ച്ച നടത്തിയിട്ടുള്ള ഇയാളുടെ പേരില്‍ വളാഞ്ചേരി, കല്‍പകഞ്ചേരി, കോട്ടക്കല്‍, കൊളത്തൂര്‍, പട്ടാമ്പി, നിലമ്പൂര്‍ പൊലിസ് സ്റ്റേഷനുകളിലായി 28 കേസുകള്‍ നിലവിലുണ്ട്. 2008ല്‍ വളാഞ്ചേരി പൊലിസ് പിടിയിലായ പ്രതി 2012ല്‍ ജാമ്യത്തിലിറങ്ങി മുങ്ങിയതായിരുന്നു.
കോടതി പിടികിട്ടാപ്പുള്ളിയായി പ്രഖ്യാപിച്ചിരുന്ന പ്രതിയെ കഴിഞ്ഞ ദിവസം വാണിയമ്പലത്തുവച്ചാണ് പൊലിസ് പിടികൂടിയത്. പ്രതിയെ ഇന്നു തിരൂര്‍ കോടതിയില്‍ ഹാജരാക്കും.