തിരുവനന്തപുരം: മുന്നോക്ക സംവരണം സംബന്ധിച്ച പ്രതിഷേധങ്ങള്‍ തുടരുന്നതിനിടെ ഉദ്യോഗാര്‍ത്ഥികള്‍ക്കായുള്ള മാര്‍ഗ നിര്‍ദേശങ്ങള്‍ പി.എസ്.സി പുറത്തിറക്കി. ആനുകൂല്യം ലഭിക്കുന്നതിന് ഉദ്യോഗാര്‍ഥികള്‍ പി.എസ്.സി പ്രൊഫൈലില്‍ ലോഗിന്‍ ചെയ്ത് ഹോം സ്‌ക്രീനിലെ ഇ.ഡബ്ലിയു.എസ് ബട്ടണില്‍ ക്ലിക്ക് ചെയ്യണം. തുടര്‍ന്നുള്ള ചോദ്യത്തിന് മുന്നോക്ക സംവരണത്തില്‍ പെടുന്നുവെന്ന് ഉത്തരം നല്‍കിയാല്‍ നടപടിക്രമങ്ങള്‍ പൂര്‍ത്തിയാകും. മുന്‍കാല പ്രാബല്യമുള്ളതിനാല്‍ ഒക്ടോബര്‍ 23നും അതിന് ശേഷവും വന്ന വിജ്ഞാപന പ്രകാരം അപേക്ഷ സമര്‍പ്പിച്ചിട്ടുണ്ടെങ്കില്‍ ഉദ്യോഗാര്‍ഥികള്‍ തന്നെ അപേക്ഷകള്‍ പരിശോധിച്ച് ഇ.ഡബ്ലിയു.എസ് ക്ലെയിം ഉറപ്പാക്കണം. നവംബര്‍ 14വരെ കാലാവധിയുള്ള അപേക്ഷകള്‍ക്കും നിശ്ചിത തിയതിക്കുള്ളില്‍ മുന്നോക്ക സംവരണം ക്ലെയിം ചെയ്യാം.