ലഖ്‌നൗ: ഷാജഹാന്‍പൂരിലെ പുവായയില്‍ 13 വയസുകാരനെ നാല് പേര്‍ ചേര്‍ന്ന് ലൈംഗികമായി പീഡിപ്പിച്ചു. ശനിയാഴ്ച വൈകിട്ടാണ് കൗമാരക്കാരനെ ബലാല്‍ക്കാരമായി പീഡിപ്പിച്ചതെന്ന് പൊലിസ് പറഞ്ഞു. ബന്ധുക്കളാണ് പൊലിസില്‍ പരാതി നല്‍കിയത്. പ്രതികളെ തിരിച്ചറിഞ്ഞെന്നും റഹ്മാന്‍, രവി, ഗുല്ലി, വസീം എന്നിവരാണ് പീഡിപ്പിച്ചതെന്നും മുതിര്‍ന്ന പൊലിസ് ഓഫിസര്‍ ജസ്‌വീര്‍ സിങ് പറഞ്ഞു. പ്രതികള്‍ക്കായി തിരച്ചില്‍ ആരംഭിച്ചെന്നും ഇരയെ മെഡിക്കല്‍ പരിശോധനയ്ക്കായി അയച്ചെന്നും അദ്ദേഹം പറഞ്ഞു.