ഇന്ത്യന്‍ ആര്‍മിയിലെ 56-ാം ബാച്ച് എസ്.എസ്.സി മെയില്‍ എന്‍ജിനീയര്‍മാരുടെയും 27-ാം ബാച്ച് എസ്.എസ്.സി ഫീമെയില്‍ എന്‍ജിനീയര്‍ ബാച്ചിലേക്കുമുള്ള നിയമനത്തിന് അപേക്ഷ ക്ഷണിച്ചു. ചെന്നൈയിലെ ഓഫിസേഴ്‌സ് ട്രെയിനിങ് അക്കാദമിയില്‍ (ഒ.ടി.എ) 2021 ഏപ്രിലില്‍ കോഴ്‌സ് ആരംഭിക്കും.
താല്‍പര്യമുള്ളവര്‍ക്ക് ഓണ്‍ലൈനായി അപേക്ഷ സമര്‍പ്പിക്കാം..www.joinindianarmy.nic.in.
. അപേക്ഷിക്കാനുള്ള അവസാന തിയതി നവംബര്‍ 12 ഉച്ചവരെ. 20 വയസില്‍ കുറയാത്തവര്‍ക്കും 27 വയസ് കവിയാത്തവര്‍ക്കും അപേക്ഷിക്കാന്‍ അര്‍ഹതയുണ്ട്. വിമുക്ത ഭടന്റെ വിധവയാണെങ്കില്‍ 35 വയസു വരെ അപേക്ഷിക്കാം.
എന്‍ജിനീയറിങ് പാസായവര്‍ക്കും ഫൈനല്‍ ഇയര്‍ എന്‍ജിനീയറിങ്ങിന് പഠിക്കുന്നവര്‍ക്കും എസ്.എസ്.സി തസ്തികകളിലേക്ക് അപേക്ഷിക്കാം. എസ്.എസ്.സി മെയില്‍ - 175, എസ്.എസ്.സി ഫീമെയില്‍ - 14 എന്നിങ്ങനെയാണ് ഒഴിവുകള്‍.