കാട്ടാക്കട : നക്രംച്ചിറ   കുളത്തിനു സമീപത്തു നില്‍ക്കുന്ന മരങ്ങള്‍  സ്വകാര്യ വ്യക്തിക്ക് വേണ്ടി , പി ഡബ്‌ള്യു ഡി ഒത്താശയോടെ  മുറിക്കാനുള്ള നീക്കം  നാട്ടുകാര്‍ തടഞ്ഞു .ഇന്നലെ രാവിലെ പത്തു മണിയോടെയാണ് സംഭവം . നേരത്തേ  മൂന്നു തവണ ലേലം ചെയ്യാനുള്ള നടപടിയുമായി പി ഡബ്‌ള്യു ഡി ,വനംവകുപ്പ്  അധികൃതര്‍  മുന്നോട്ടുപോയപ്പോള്‍  നാട്ടുകാര്‍ ഇതിനെതിരെ പരാതി നല്‍കിയിരുന്നു . രണ്ടു തവണ ലേല നടപടികള്‍ക്കായി എത്തിയപ്പോള്‍ തടയുകയും ചെയ്തിരുന്നു. ഇന്നലെ പൊലിസ് സംരക്ഷണയോടെയാണ്  പി ഡബ്‌ള്യു ഡി അസിസ്റ്റന്റ് എക്‌സിക്യൂട്ടീവ് എന്‍ജിനിയറുടെ നേതൃത്വത്തിലുള്ള ഉദ്യോഗസ്ഥ സംഘം ലേല  നടപടിക്കായി എത്തിയത്.
വിവരമറിഞ്ഞ് നാട്ടുകാര്‍ സംഘടിച്ചെത്തി നടപടികള്‍ തടയുകയായിരുന്നു.