വണ്ടൂര്‍: ഐ.സി.ഡി.എസ് പ്രോജക്ടിന്റെയും ഗ്രാമപഞ്ചായത്തിന്റെയും ആഭിമുഖ്യത്തില്‍ കൗമാര പ്രായക്കാര്‍ക്കായി നടത്തി വന്ന ശില്‍പ്പശാലകള്‍ സമാപിച്ചു.പഞ്ചായത്ത് അംഗം എലമ്പ്ര മുരളി ഉദ്ഘാടനം ചെയ്തു. വിവിധ ഭാഗങ്ങളിലായി നടത്തിയ 8 ശില്‍പ്പശാലകളില്‍ പഞ്ചായത്തിലെ 50 അങ്കണവാടികള്‍ കേന്ദ്രീകരിച്ചുള്ള പെണ്‍കുട്ടികള്‍ പങ്കെടുത്തു.
പെണ്‍കുട്ടികള്‍ക്കെതിരെയുള്ള ലൈംഗിക അതിക്രമങ്ങള്‍ ചെറുക്കുക,ലഹരിക്കെതിരെ ബോധവല്‍ക്കരണം നടത്തുക എന്നീ ലക്ഷ്യത്തോടെയാണ് ശില്‍പ്പശാലകള്‍ നടന്നത്.വിവിധ സ്ഥലങ്ങളില്‍ സാമൂഹ്യ നീതി വകുപ്പിനോടൊപ്പം ജില്ലാ ചൈല്‍ഡ് പ്രൊട്ടക്ഷന്‍ പ്രവര്‍ത്തകര്‍,എക്‌സൈസ് ഓഫീസര്‍മാര്‍ എന്നിവര്‍ ക്ലാസുകള്‍ക്ക് നേതൃത്വം നല്‍കി.
കെ.പ്രഭാകരന്‍ അധ്യക്ഷനായി. ചൈല്‍ഡ് ലൈന്‍ കൗണ്‍സിലര്‍ കെ.മന്‍സൂര്‍,എക്‌സൈസ് പ്രിവന്റീവ് ഓഫീസര്‍ ടി.ഷിജുമോന്‍ എന്നിവര്‍ ക്ലാസ്സെടുത്തു.പഞ്ചായത്ത് അംഗങ്ങളായ കെ.കെ സാജിത,പി.രാധിക,ഐ.സി.ഡി.എസ് സൂപ്പര്‍ വൈസര്‍ വി.സുബൈദ എന്നിവര്‍ പ്രസംഗിച്ചു.