ശ്രീനഗര്‍: ജമ്മുകശ്മിരിലെ അനന്ത്‌നാഗിനടുത്ത അച്ചാബലില്‍ ഭീകരരുമായുണ്ടായ ഏറ്റുമുട്ടലില്‍ സൈനിക മേജര്‍ കൊല്ലപ്പെട്ടു. മറ്റൊരു മേജറടക്കം മൂന്ന് സൈനികര്‍ക്ക് പരുക്കേറ്റു.
സൈന്യത്തിന്റെ തിരിച്ചടിയില്‍ രണ്ടു ഭീകരരെ വധിക്കുകയും ചെയ്തിട്ടുണ്ട്. ഇവരെ തിരിച്ചറിഞ്ഞിട്ടില്ലെന്ന് സൈന്യം അറിയിച്ചു.
പരുക്കേറ്റ സൈനികരെ ഉടന്‍തന്നെ ശ്രീനഗറിലെ സൈനിക ആശുപത്രിയിലേക്ക് മാറ്റി. സംഭവത്തെ തുടര്‍ന്ന് കൂടുതല്‍ സൈന്യം സുരക്ഷക്കായി സ്ഥലത്തെത്തി. ഭീകരര്‍ക്കുവേണ്ടിയുള്ള തിരച്ചില്‍ ഊര്‍ജിതമാക്കിയതായി സൈനിക വക്താവ് അറിയിച്ചു.