മക്കരപറമ്പ്: ജലദാനത്തിനായി കിണര്‍ നിര്‍മിച്ച് യുവസംര ഭകന്‍. വടക്കാങ്ങര സ്വദേശിയും പ്രവാസി സംരംഭകനുമായ കുറ്റീരി മുജീബ്‌റഹ്മാനാണ് തന്റെ ഉടമസ്ഥതയിലുള്ള മക്കരപറമ്പ് കുറുവ റോഡിലെ വയലില്‍ വലിയ വിസ്തീര്‍ണമുള്ള അപൂര്‍വ കിണര്‍ നിര്‍മിച്ചിട്ടുള്ളത്. പൂര്‍ണമായും സുരക്ഷാഭിത്തി നിര്‍മിച്ച് സംരക്ഷിക്കുന്നതിനുള്ള പ്രവൃത്തികള്‍ നടന്നുവരുന്നു.
അന്‍പതിലധികം പടവുകളിലായിട്ടാണ് വെട്ടുകല്ലുകൊണ്ട് കിണറിന്റെ താഴ്ഭാഗത്ത് നിന്ന് മുകള്‍ വരെയായി സുരക്ഷ ചുമര്‍നിര്‍മിച്ചിട്ടുള്ളത്. ഇതില്‍ 25 പടവുകളില്‍ വെള്ളം ഉയര്‍ന്ന് നില്‍ക്കുന്നത് കൗതുകമുണര്‍ത്തുന്നു. നിരവധി തൊഴിലാളികളാണ് മാസങ്ങളായി നിര്‍മാണത്തിന് നേതൃത്വം നല്‍കുന്നത്. പരിസര പ്രദേശങ്ങളില്‍ കുടിവെള്ള ക്ഷാമം അനുഭവിക്കുന്നവര്‍ക്ക് സ്വന്തം ഉത്തരവാദിത്തത്തില്‍ ആവശ്യാനുസരണം വെള്ളം ഉപയോഗിക്കാം.