തിരുവനന്തപുരം: 2015 മുതല്‍ 2019 വരെ 7,868 വിദ്യാര്‍ഥികള്‍ പാതിവഴിയില്‍ എന്‍ജിനീയറിങ്ങ് പഠനം ഉപേക്ഷിച്ച് പോയതായി ഉന്നത വിദ്യാഭ്യാസ മന്ത്രി കെ.ടി ജലീല്‍ നിയമസഭയില്‍ അറിയിച്ചു. 2016-17ല്‍ മാത്രം 3,474 പേരാണ് പഠനം ഉപേക്ഷിച്ചത്. അടിസ്ഥാന വിഷയങ്ങളില്‍ പ്രാവീണ്യം ഇല്ലാതെ എന്‍ജിനീയറിങ്ങ് പഠനം പാതിവഴിയില്‍ ഉപേക്ഷിക്കുന്ന പ്രവണത ശ്രദ്ധയില്‍പ്പെട്ടിട്ടുണ്ട്.
കോളജുകളുടെ എണ്ണം അനിയന്ത്രിതമായി വര്‍ധിച്ചത് കാരണം അധ്യാപന പരിചയവും ഉയര്‍ന്ന വിദ്യാഭ്യാസ യോഗ്യതയും അധ്യാപന അഭിരുചിയുമുള്ള അധ്യാപകരുടെ അഭാവവും പഠന നിലവാരത്തെ ബാധിക്കുന്നുണ്ടെന്നും മന്ത്രി പറഞ്ഞു. സംസ്ഥാനത്ത് നാക് അക്രഡിറ്റേഷന്‍ ലഭിച്ചിട്ടുള്ള ഏഴ് കോളജുകള്‍ക്ക് സ്വയംഭരണാവകാശം നല്‍കിയിട്ടില്ലെന്നും മന്ത്രി അറിയിച്ചു.