ഒതുക്കുങ്ങല്‍: 1968ല്‍ ആരംഭിച്ച ഒതുക്കുങ്ങല്‍ ഗവ. ഹയര്‍ സെക്കന്‍ഡറി സ്‌കൂളിന്റെ സമ്പൂര്‍ണ പൂര്‍വ വിദ്യാര്‍ഥി സംഗമം നിയുക്ത എം.പി പി.കെ കുഞ്ഞാലിക്കുട്ടി ഉദ്ഘാടനം ചെയ്തു. ആദ്യകാല അധ്യാപക സംഗമം, പൂര്‍വ വിദ്യാര്‍ഥി- അധ്യാപകരെ ആദരിക്കല്‍, സ്‌കൂള്‍ വിഷന്‍ പ്രഖ്യാപനം എന്നിവ നടന്നു. സാംസ്‌കാരിക സമ്മേളനം മന്ത്രി കെ.ടി ജലീല്‍ ഉദ്ഘാടനം ചെയ്തു. ഡോ. പി. ഗീത മുഖ്യപ്രഭാഷണം നടത്തി.
സമാപന സമ്മേളനം ഫൈസല്‍ എളേറ്റില്‍ ഉദ്ഘാടനം ചെയ്തു. വിവിധ സെഷനുകളില്‍ അബ്ദുനാസര്‍ ഹയ്യ് ശിഹാബ് തങ്ങള്‍, പുല്ലാണി സെയ്ത്, ബീഫാത്തിമ, ഡോ. വി ഉമ്മര്‍ ഫാറൂഖ്, പുത്തൂര്‍ റഹ്മാന്‍, എ.കെ സൈനുദ്ദീന്‍, മൂസ കടമ്പോട്ട്, വി. അബൂബക്കര്‍ സിദ്ദീഖ്, കുരുണിയന്‍ മായീന്‍, ടി.ടി അഹമ്മദ് കുട്ടി എന്ന മാനു, സിദ്ദീഖ് സിത്താര സംസാരിച്ചു.