തൃക്കരിപ്പൂര്‍: സ്വാതന്ത്ര്യ ദിനാഘോഷത്തിന്റെ ഭാഗമായി സെന്‍ട്രല്‍ യൂണിറ്റി സ്‌പോര്‍ട്‌സ് ക്ലബ് ഉദിനൂരിന്റെ ആഭിമുഖ്യത്തില്‍ ഓഗസ്ത് 13  ശനിയാഴ്ച രാവിലെ 10 മണിമുതല്‍ കണ്ണൂര്‍  കാസര്‍ഗോഡ് ജില്ലകളിലെ സ്‌കൂള്‍ വിദ്യാര്‍ത്ഥികള്‍ക്കായി ദേശഭക്തിഗാനമത്സരം സംഘടിപ്പിക്കുന്നു. യു .പി വിഭാഗം , ഹൈസ്‌കൂള്‍  ഹയര്‍സെക്കണ്ടറി വിഭാഗം എന്നീ രണ്ട് വിഭാഗങ്ങളിലായിരിക്കും  മത്സരം.
വിജയികളാകുന്ന ഒന്ന്, രണ്ട്, മൂന്നു സ്ഥാനക്കാര്‍ക്ക് യഥാക്രമം 2000, 1500, 1000 എന്നീങ്ങനെ ക്യാഷ് അവാര്‍ഡ് നല്‍കും. മത്സരത്തില്‍ ഒരു ഗ്രൂപ്പില്‍  പരമാവധി അഞ്ചു പേര്‍ക്ക്  പങ്കെടുക്കാം. പങ്കെടുക്കാന്‍ ആഗ്രഹിക്കുന്ന ടീമുകള്‍ 30ന് മുമ്പായി  9745463045 ,9447490234 എന്നീ നമ്പറുകളില്‍ ബന്ധപ്പെടേണ്ടതാണ്.