ചവറ: പന്മന പോരൂക്കര ജുമാ മസ്ജിദിന്റെ അധീനതയിലുള്ള നെറ്റിയാട് ജുമാ മസ്ജിദിന്റെ ഉദ്ഘാടനം ഇന്ന് അസര്‍ നിസ്‌കാരത്തിന് നേതൃത്വം നല്‍കി പാണക്കാട് സയ്യദ് ഹമീദലി ശിഹാബ് തങ്ങള്‍  നിര്‍വഹിക്കുമെന്ന് ചെയര്‍മാന്‍ അബ്ദുല്‍ സലാം, കണ്‍വീനര്‍ കോഞ്ചേരില്‍ ഷംസുദ്ദീന്‍, ഷംസുദ്ദീന്‍ മുസ്‌ലിയാര്‍, നൗഫല്‍ തുണ്ടില്‍ പത്ര സമ്മേളനത്തില്‍ അറിയിച്ചു.
 37 വര്‍ഷം മുന്‍പ് തൈക്കാവ് പള്ളിയും മദ്‌റസയുമായി പ്രവര്‍ത്തനം തുടങ്ങിയ മസ്ജിദില്‍ 17 വര്‍ഷക്കാലം മുന്‍പാണ് ജുമാ ആരംഭിച്ചത്. വിശ്വാസികളുടെ തിരക്ക് വര്‍ധിച്ചതോടെയാണ് കണ്ണന്‍കുളങ്ങര നിവാസികളുടെ ശ്രമഫലമായി  ഒന്നര കോടി രൂപ ചിലവില്‍ ജുമാ മസ്ജിദ് നിര്‍മിച്ചത്.
താലൂക്ക് ജമാഅത്ത് യൂനിയന്‍ പ്രവര്‍ത്തകര്‍, മത പണ്ഡിതര്‍ സമുദായ നേതാക്കള്‍ എന്നിവര്‍ പങ്കെടുക്കും.