കോട്ടയം:  റബ്ബര്‍ ബോര്‍ഡ് മേഖലാ ഓഫീസുകള്‍ പൂട്ടാനുള്ള കേന്ദ്രസര്‍ക്കാര്‍ തീരുമാനത്തിനെതിരെ കേരളാ കോണ്‍ഗ്രസ് (എം) ജില്ലാ കമ്മിറ്റിയുടെ ആഭിമുഖ്യത്തില്‍ വെള്ളിയാഴ്ച രാവിലെ 9.30ന് റബ്ബര്‍ ബോര്‍ഡ് മാര്‍ച്ച് സംഘടിപ്പിക്കും. കോട്ടയത്ത് പൊലിസ് പരേഡ് ഗ്രൗണ്ടിന്റെ സമീപത്തുനിന്നും നടത്തുന്ന കര്‍ഷക മാര്‍ച്ച് കേരളാ കോണ്‍ഗ്രസ് (എം) വൈസ് ചെയര്‍മാന്‍ ജോസ് കെ.മാണി എം.പി ഉദ്ഘാടനം ചെയ്യുമെന്ന് പാര്‍ട്ടി ജില്ലാ പ്രസിഡന്റ് ഇ.ജെ. ആഗസ്തി അറിയിച്ചു.