വണ്ണപ്പുറം: നിരാലംബരേയും നിര്‍ധനരേയും സഹായിക്കുന്നതിനായി രൂപീകരിച്ച ശിഹാബ് തങ്ങള്‍ കള്‍ച്ചറല്‍ ഫോറത്തിന്റെ ആഭിമുഖ്യത്തില്‍ ഇന്ന് വണ്ണപ്പുറത്ത് സംഘടിപ്പിക്കുന്ന കാരുണ്യവര്‍ഷം 2017ന്റെ ഉദ്ഘാടനം പാണക്കാട് സയ്യിദ് മുനവ്വറലി ശിഹാബ് തങ്ങള്‍ നിര്‍വഹിക്കും. ഉച്ചകഴിഞ്ഞ് മൂന്നിന് വണ്ണപ്പുറം ടൗണ്‍ ജുമാ മസ്ജിദ് ഓഡിറ്റോറിയത്തില്‍ നടക്കുന്ന ചടങ്ങില്‍ നിര്‍ധന പെണ്‍കുട്ടിയുടെ വിവാഹത്തിന് മുനവ്വറലി തങ്ങള്‍ കാര്‍മികത്വം വഹിക്കും. ശിഹാബ് തങ്ങള്‍ കള്‍ച്ചറല്‍ ഫോറം ചെയര്‍മാന്‍ മൊയ്തു കുനിയിലിന്റെ അധ്യക്ഷതയില്‍ കണ്‍വീനര്‍ വി.എച്ച് മുഹമ്മദ് വാളക്കുണ്ടില്‍ സ്വാഗതം ആശംസിക്കും.
മുസ്‌ലിം ലീഗ് സംസ്ഥാന സെക്രട്ടറി ടി.എം സലീം മുഖ്യപ്രഭാഷണം നടത്തും. സ്‌കൂള്‍ കുട്ടികള്‍ക്കുള്ള കിറ്റ് വിതരണം ഡി.സി.സി പ്രസിഡന്റ് അഡ്വ. ഇബ്രാഹീംകുട്ടി കല്ലാര്‍ നിര്‍വഹിക്കും. ചികിത്സാ സഹായ വിതരണം യൂത്ത് ലീഗ് സംസ്ഥാന സെക്രട്ടറി കെ.എസ് സിയാദ് നിര്‍വഹിക്കും.
വണ്ണപ്പുറം ടൗണ്‍ മസ്ജിദ് ചീഫ് ഇമാം സ്വാലിഹ് അന്‍വരി ചേകന്നൂര്‍, തഖ്‌വ മസ്ജിദ് ഇമാം ഹനീഫ് കാശിഫി, കലയന്താനി മസ്ജിദ് ഇമാം അബ്ദുല്‍ മന്നാന്‍ സഖാഫി, കാളിയാര്‍ ജുമാമസ്ജിദ് ഇമാം ഹാരിസ് ബദരി ബാഖവി എന്നിവര്‍ ഉദ്‌ബോധന പ്രഭാഷണം നടത്തും. ആശംസകള്‍ അര്‍പ്പിച്ച് മുസ്‌ലിം ലീഗ് നിയോജക മണ്ഡലം പ്രസിഡന്റ് മുഹമ്മദ് വെട്ടിക്കല്‍, യൂത്ത് ലീഗ് ജില്ലാ പ്രസിഡന്റ് ടി.കെ നവാസ്, എസ്.റ്റി.യു സംസ്ഥാന സെക്രട്ടറി പി.എസ് അബ്ദല്‍ ജബ്ബാര്‍, പഞ്ചായത്ത് പ്രസിഡന്റ് ലിസി ജോസ് , വൈസ് പ്രസിഡന്റ് കെ.എച്ച് അസീസ്, എസ്.റ്റി.യു ജില്ലാ പ്രസിഡന്റ് പി.എന്‍ സീതി, കെ.എം സലീം, പ്രോഗ്രാം കോഡിനേറ്റര്‍മാരായ കെ.എച്ച് അബ്ദുസത്താര്‍ താമരശ്ശേരി, സി.ഇ മീരാന്‍ ചക്കാലക്കല്‍, സി.എച്ച് ഷാഹുല്‍ ഹമീദ്, എ.ബി സെയ്തലവി, സുലൈമാന്‍ കുഴിപ്പിള്ളില്‍ ആശംസകള്‍ അര്‍പ്പിക്കും.