തൃക്കരിപ്പൂര്‍: സുമയ്യ അബ്ദുല്‍ റസാഖിന്റെ വിജയ തിളക്കത്തില്‍ കൈക്കോട്ടുക്കടവ് പൂക്കോയ്യതങ്ങള്‍ സ്മാരക വൊക്കേഷണല്‍ ഹയര്‍സെക്കന്‍ഡറി സ്‌കൂള്‍. പ്രത്യേക പരിശീലനമൊന്നുമില്ലാതെയാണ് സുമയ്യയുടെ വിജയ തിളക്കം. സംസ്ഥാനത്ത് 39 വിദ്യാര്‍ഥികളാണ് മുഴുവന്‍ വിഷയങ്ങളിലും എ പ്ലസ് നേടിയത്. ഇതില്‍ ജില്ലയില്‍ മൂന്നു പേരാണ് മുഴുവന്‍ എ പ്ലസ് അര്‍ഹത നേടിയത്. ഇതില്‍ സുമയ്യ 1600 മാര്‍ക്കില്‍ 1600 മാര്‍ക്കും നേടിയാണ് വിജയത്തിന് തിളക്കം കൂട്ടിയത്.
പടന്ന എടച്ചാക്കൈ കൊക്കാക്കടവിലെ അബ്ദു റസാഖിന്റെയും നഫീസത്തിന്റെയും മകളാണ്.
തൃക്കരിപ്പൂര്‍ വി.പി.പി മുഹമ്മദ് കുഞ്ഞി പട്ടേലര്‍ സ്മാരക ഗവ. വൊക്കേഷണല്‍ ഹയര്‍സെക്കന്‍ഡറി സ്‌കൂളിലെ എ.വി ചാരുഹസനും മുഴുവന്‍ വിഷയങ്ങളിലും എ പ്ലസ് നേടി.