കാഞ്ഞങ്ങാട്: സമസ്ത കേരള ജംഇയ്യത്തുല്‍ ഉലമാ നേതാക്കള്‍ക്ക് നാളെ പള്ളിക്കരയില്‍ സ്വീകരണം നല്‍കുമെന്ന് ബന്ധപ്പെട്ടവര്‍ വാര്‍ത്താ സമ്മേളനത്തില്‍ അറിയിച്ചു. സമസ്ത പ്രസിഡന്റായി തിരഞ്ഞെടുക്കപ്പെട്ട സയ്യിദ് മുഹമ്മദ് ജിഫ്രി മുത്തു കോയ തങ്ങള്‍, ജന.സെക്രട്ടറി പ്രഫ.കെ. ആലിക്കുട്ടി മുസ്‌ലിയാര്‍, സെക്രട്ടറി എം.ടി അബ്ദുല്ല മുസ്‌ലിയാര്‍, വൈസ് പ്രസിഡന്റ് മിത്തബയല്‍ ജബ്ബാര്‍ മുസ്‌ലിയാര്‍, സമസ്ത വിദ്യാഭ്യാസ ബോര്‍ഡ് പ്രസിഡന്റ് പി.കെ.പി അബ്ദുസലാം മുസ്‌ലിയാര്‍ എന്നിവര്‍ക്കാണു പള്ളിക്കര സംയുക്ത മുസ്‌ലിം ജമാഅത്ത് കമ്മിറ്റിയുടെ നേതൃത്വത്തില്‍ നാളെ വൈകുന്നേരം ആറിനു കല്ലിങ്കാലില്‍ നടക്കുന്ന പൊതുസമ്മേളനത്തില്‍ സ്വീകരണം നല്‍കുന്നത്.
സ്വീകരണ പൊതു യോഗം പള്ളിക്കര സംയുക്ത ജമാഅത്ത് ഖാസി പൈവളിക അബ്ദുല്‍ ഖാദര്‍ മുസ്‌ലിയാര്‍ ഉദ്ഘാടനം ചെയ്യും. പള്ളിക്കര സംയുക്ത ജമാഅത്ത് പ്രസിഡന്റ് പി.എ അബൂബക്കര്‍ ഹാജി അധ്യക്ഷനാകും. സമസ്ത ജില്ലാ പ്രസിഡന്റ് ത്വാഖ അഹമ്മദ് അല്‍ അസ്ഹരി, ജന.സെക്രട്ടറി യു.എം അബ്ദുല്‍ റഹ്മാന്‍ മൗലവി, എസ്.വൈ.എസ് സംസ്ഥാന വൈസ് പ്രസിഡന്റ് എം.എ ഖാസിം മുസ്‌ലിയാര്‍ എന്നിവര്‍ സംസാരിക്കും.അബ്ദുസമദ് പൂക്കോട്ടൂര്‍ മുഖ്യ പ്രഭാഷണം നടത്തും. അഡ്വ.ഹനീഫ് ഹുദവി ദേലമ്പടി,ചെര്‍ക്കളം അബ്ദുല്ല, മെട്രോ മുഹമ്മദ് ഹാജി, ഡോ.പി.എ ഇബ്രാഹിം ഹാജി, ടി.പി കുഞ്ഞബ്ദുല്ല ഹാജി, കെ.എം അബ്ദുല്‍ റഹ്മാന്‍ ഹാജി തൊട്ടി, മൊയ്തു ഹാജി മുക്കൂട്, പി.മുഹമ്മദ് കുഞ്ഞി ഹാജി,പി.എം.എ ബഷീര്‍ . മുഹമ്മദ് അസ്ഹരി ബിലാല്‍, കെ.ഇ.എ ബക്കര്‍ തുടങ്ങിയവര്‍ സംബന്ധിക്കും.
വാര്‍ത്താസമ്മേളനത്തില്‍ പള്ളിക്കര സംയുക്ത ജമാഅത്ത് പ്രസിഡന്റ് പി.എ അബൂബക്കര്‍ ഹാജി, പ്രോഗ്രാം കോഡിനേറ്റര്‍ കെ.ഇ.എ ബക്കര്‍, ടി.പി കുഞ്ഞബ്ദുല്ല ഹാജി, കെ.എം അബ്ദുറഹ്മാന്‍ ഹാജി തൊട്ടി, പി മുഹമ്മദ് കുഞ്ഞി ഹാജി എന്നിവര്‍ സംബന്ധിച്ചു.