ഈരാറ്റുപേട്ട: ഇന്നലെയുണ്ടായ ശക്തമായ കാറ്റില്‍ ഇളപ്പുങ്കല്‍ പ്രദേശത്ത് നിരവധി വീടുകള്‍ തകര്‍ന്നു. കബീര്‍ പടിപ്പുര, ഇബ്രാഹിം കറുകാഞ്ചേരില്‍, സനില്‍ മോനിപ്പള്ളി, നിസാമുദ്ദീന്‍ പള്ളിപ്പാറ, ബഷീര്‍ പള്ളിപ്പാറ, കനി മുരിക്കോലി തുടങ്ങിയവരുടെ വീടുകള്‍ക്കാണ് കനത്ത തോതില്‍ നാശമുണ്ടായിരിക്കുന്നത്. പ്രദേശത്തെ 20 ഓളം വീടുകള്‍ക്ക് കാറ്റ് മൂലം കേടുപാടുകള്‍ സംഭവിച്ചിട്ടുണ്ട്. വൈകിട്ട് അഞ്ചു മണിയോടുകൂടി പെയ്ത മഴയോടപ്പമാണ് അതി ശക്തമായ കാറ്റ് ആഞ്ഞടിച്ചത്. കാറ്റിന്റെ ശക്തിയാല്‍ മേല്‍ക്കൂരകള്‍ പറന്ന് പോയും, മരങ്ങള്‍ വീണുമാണ് വീടുകള്‍ തകര്‍ന്നിരിക്കുന്നത്. പ്രദേശത്തെ വൈദ്യുതി ബന്ധവും താറുമാറായിട്ടുണ്ട്.