മമ്പുറം: പതിനായിരക്കണക്കിനു വിശ്വാസികള്‍ക്ക് ആത്മ നിര്‍വൃതി പകര്‍ന്ന് ഭക്തി നിര്‍ഭരമായ പ്രാര്‍ഥനയോടെ മമ്പുറം ആണ്ടുനേര്‍ച്ചക്ക് സമാപ്തി. ഖുത്വുബുസ്സമാന്‍ മമ്പുറം സയ്യിദ് അലവി തങ്ങളുടെ വേര്‍പാടിന്റെ 180ാം ആണ്ടു നേര്‍ച്ചയാണ് ഇത്തവണ നടന്നത്. ഏഴുദിവസം നീണ്ടു നിന്ന നേര്‍ച്ചയുടെ ഭാഗമായി നടന്ന അന്നദാനം, സമാപന പ്രാര്‍ഥനാ സദസ് എന്നിവയില്‍ പങ്കെടുക്കാന്‍ പതിനായിരങ്ങളാണ് മമ്പുറം മഖാമിലേക്ക് ഒഴുകിയെത്തിയത്. 

രാവിലെ 8ന് പാണക്കാട് സയ്യിദ് ഹൈദരലി ശിഹാബ് തങ്ങള്‍, മമ്പുറം ഖത്വീബ് വി.പി അബ്ദുല്ലക്കോയ തങ്ങള്‍ക്കു നല്‍കി അന്നദാന വിതരണം ഉദ്ഘാടനം ചെയ്തു. സയ്യിദ് അബ്ദുറഹ്മാന്‍ ജിഫ്‌രി തങ്ങള്‍ കോഴിക്കോട് അധ്യക്ഷനായി. സയ്യിദ് അഹമ്മദ് ജിഫ്‌രിതങ്ങള്‍ മമ്പുറം,ഡോ. ബഹാഉദ്ദീന്‍ മുഹമ്മദ് നദ്‌വി, പി.കെ കുഞ്ഞാലിക്കുട്ടി എം.പി, സയ്യിദ് ആബിദ് ഹുസൈന്‍ തങ്ങള്‍ എം.എല്‍.എ, ചെമ്മുക്കന്‍ കുഞ്ഞാപ്പു ഹാജി, കെ.എം സൈദലവി ഹാജി കോട്ടക്കല്‍, മലപ്പുറം ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍, യു.ശാഫി ഹാജി ചെമ്മാട്, തോപ്പില്‍ കുഞ്ഞാപ്പു ഹാജി, കെ.പി ശംസുദ്ദീന്‍ ഹാജി, സി.കെ മുഹമ്മദ് ഹാജി, ഹംസ ഹാജി മൂന്നിയൂര്‍ ,ഇബ്രാഹിം ഹാജി തയ്യിലക്കടവ്, അബ്ദുല്ല ഹാജി ഓമച്ചപ്പുഴ തുടങ്ങിയവര്‍ സംബന്ധിച്ചു.
ഉച്ചക്ക് ശേഷം നടന്ന ഖത്മ് ദുആ സദസിനു സമസ്ത കേരള ജംഇയ്യത്തുല്‍ ഉലമാ പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ നേതൃത്വം നല്‍കി. ഡോ. ബഹാഉദ്ദീന്‍ മുഹമ്മദ് നദ്‌വി, വി.പി അബ്ദുല്ലക്കോയ തങ്ങള്‍, കെ.സി മുഹമ്മദ് ബാഖവി, ഇസ്ഹാഖ് ബാഖവി ചെമ്മാട്.സി. യൂസുഫ് ഫൈസി മേല്‍മുറി, അലി മൗലവി ഇരിങ്ങല്ലൂര്‍, അബ്ദുല്‍ ഖാദിര്‍ ഫൈസി അരിപ്ര, ഇബ്രാഹിം ഫൈസി കരുവാരക്കുണ്ട്് തുടങ്ങിയവര്‍ സംബന്ധിച്ചു.