ചെക്കിക്കുളം: മാണിയൂര്‍ കുണ്ടിലക്കണ്ടി നുസ്രത്തുല്‍ ഇസ്‌ലാം മദ്‌റസ കെട്ടിടോദ്ഘാടനം ഇന്ന് നടക്കും. വൈകുന്നേരം അഞ്ചുമണിക്ക് സ്വാഗത സംഘം ചെയര്‍മാന്‍ അബ്ദുല്‍ ഫത്താഹ് ദാരിമിയുടെ അധ്യക്ഷതയില്‍ പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് പ്രസിഡന്റ് പി.കെ.പി അബ്ദുസ്സലാം മുസ്‌ലിയാര്‍ സുവനീര്‍ പ്രകാശനവും അനുഗ്രഹ പ്രഭാഷണവും നടത്തും. സി.കെ.കെ മാണിയൂര്‍, എസ്.കെ ഹംസ ഹാജി, എ.കെ അബ്ദുല്‍ ബാഖി, മാണിയൂര്‍ അബ്ദുറഹ്മാന്‍ ഫൈസി, അഹ്മദ് തേര്‍ളായി, മുനീര്‍ ഹുദവി പെരിന്തല്‍മണ്ണ, മുഹമ്മദ് ഷാഫി കൊണ്ടോട്ടി തുടങ്ങിയവര്‍ സംസാരിക്കും. സമാപന ദിക്ര്‍ ദുആ മജ്‌ലിസിനു സമസ്ത കേന്ദ്ര മുശാവറ അംഗം മാണിയൂര്‍ അഹ്മദ് മുസ്‌ലിയാര്‍ നേതൃത്വം നല്‍കും.