മുണ്ടേരി: ഗവ.ഹയര്‍ സെക്കന്‍ഡറി സ്‌കൂളിനെ അന്താരാഷ്ട്ര നിലവാരത്തിലേക്കുയര്‍ത്തുന്നതിന്റെ ഭാഗമായി രൂപീകരിച്ച മുദ്ര പദ്ധതിയുടെയും പൊതുവിദ്യാഭ്യാസ സംഗമത്തിന്റെയും ഉദ്ഘാടനം 19 ന് മുഖ്യമന്ത്രി പിണറായി വിജയന്‍ നിര്‍വഹിക്കും. വിദ്യാഭ്യാസ സംഗമത്തിനു മുന്നോടിയായി ഇന്നലെ സ്‌കൂളില്‍ പൂര്‍വ വിദ്യാര്‍ഥി സംഗമവും വിളംബര ഘോഷയാത്രയും നടത്തി. മുണ്ടേരി ഗ്രാമപഞ്ചായത്ത് പ്രസിഡന്റ് എ. പങ്കജാക്ഷന്‍ ഉദ്ഘാടനം ചെയ്തു. കെ. മഹിജ അധ്യക്ഷയായി. പി. ലക്ഷമണന്‍, ശ്രീജന്‍, ഇ. രത്‌നാകരന്‍ സംസാരിച്ചു.